Ajmer Sharif Khwaja
Ajmer Sharif Dargah India sirf ek mazar nahi, balki ek aisi jagah hai jahan mohabbat, insani barabari aur khidmat ko zinda dekha ja sakta hai. Hazrat Khwaja Moinuddin Chishti R.A., jinhein duniya Khwaja Garib Nawaz ke naam se jaanti hai, unka paighaam hamesha yahi raha ke koi bhi bhooka, mayoos ya tanha wapas na jaaye. Isi paighaam ki sabse badi misaal Ajmer Sharif Deg hai.
Ajmer Sharif Deg ka tareekhi pas-e-manzar
Deg ka silsila sadiyon purana hai. Riwayat ke mutabiq, pehli Badi Deg Mughal Badshah Akbar ne apni mannaton ke poora hone par pesh ki thi. Uske baad Choti Deg ka silsila Badshah Jahangir ke daur mein shuru hua. Tab se lekar aaj tak, Deg ka nizaam bina ruke chal raha hai.
Yahan Deg sirf khana pakane ka zariya nahi, balki dua, niyaz aur khidmat ka roohani nizaam hai. Har Deg pakne se pehle Fateha hoti hai aur phir niyaz barabari ke sath taqseem hoti hai.
Ajmer Sharif Badi Deg capacity
Log aksar poochte hain ke Ajmer Sharif ki Deg kitne logon ke liye hoti hai.
Badi Deg capacity aam taur par:
-
4800 se 5000 kilo sweet rice (zarda) Is miqdaar se:
-
Lagbhag 25,000 se 30,000 log ek saath niyaz paa sakte hain
Ye number andaza nahi, balki saalon ke tajurbe par based hai, khaaskar Urs aur bade jummay ke dinon mein.
Choti Deg ki ahmiyat
Badi Deg ke saath saath Choti Deg bhi barabari se chalti hai:
-
Choti Deg capacity: takriban 2400 kilo sweet rice
-
Is se 10,000 se 15,000 log niyaz le sakte hain
Maqsad dono ka ek hi hota hai – zyada se zyada logon tak khana pohanchana.
Deg ka size aur banawat
Ajmer Sharif ki Deg ka size apne aap mein hairan kar dene wala hai:
-
Badi Deg ka diameter lagbhag 37 feet hota hai
-
Choti Deg ka diameter lagbhag 22 feet hota hai
Deg ko khaas dhatuon ke mix se banaya gaya hai. Neeche tez aag jalne ke bawajood Deg ka upar ka hissa zyada garam nahi hota, jo iske khaas design ko dikhata hai.
Deg mein kya banta hai
Ajmer Sharif Deg mein sirf vegetarian sweet rice (zarda) banaya jaata hai. Iski wajah ye hai ke har mazhab ka insaan bina kisi rukawat ke niyaz le sake.
Main ingredients:
-
Chawal
-
Ghee
-
Cheeni
-
Kesar
-
Badam, kaju, pista, kishmish
Ye niyaz pait ke sath dil ko bhi sukoon deta hai.
Deg Lootna – barabari ki riwayat
Deg Lootna Ajmer Sharif ki mashhoor riwayat hai. Jab Deg pak jaati hai, to log apne haathon se tabarruk lete hain. Ye koi zabardasti nahi hoti, balki ek jazbati aur roohani lamha hota hai.
Aaj ke daur mein Deg ki ahmiyat
Aaj bhi Ajmer Sharif Deg:
-
Ameer ho ya zayereen sabke liye langar jaari hai
-
Gareeb ke liye roti
-
Bhookhe ke liye khana
-
Bechain ke liye sukoon
-
Mayoos ke liye umeed
hai. Isi liye Deg ko Ajmer Sharif ka dil kaha jaata hai.
Deg Mannat ke liye raabta
Agar aap Deg Mannat ka poora process sahi tareeke se samajhna chahte hain, to raabta karein:
Syed Ali Nawaz Chishty
📞 +91-7726801943